ملف النكت كلها

واحده كل يوم تعدي على البقال تسأله عندك ايسكريم بالكوسه....أخر مازهق منها قالها عندي قالتله يع

غبي لقا يافطه في الشارع مكتوب عليها ممنوع الوقوف ....راح انبطح

واحد غبي بيقول لمراته ليله الدخله : هو أبوكي عارف انك بايته عندنا النهارده؟؟؟؟

في المحكمة القاضي بيقول لحرامي رد سجون : إحلف والله العظيم أقول الحق رد الحرامي : إيه الفايده كل مره أحلف وبرضه تدخلوني السجن

واحد بخيل.. بعد ما أكل هو وابنه ..... ابنه قاله بابا حاسس انى عايز أرجّع .... قالوا وكلت ليه من الأول

غبى حط الديكودر فى طشت المايه ليه؟ ............علشان يشوف الجزيرة

واحدة بتقول لابوها باحب فيتراك ، قالها علىّ الطلاق ما تتجوزى غير ولد عمك .. قالت فيتراك دى مربى يابابا ... قالها ولد عمك عسل .... قالت له فيتراك دة برطمان يابا .... قالها ولد عمك بلاص

مرة واحد بيسأْل صاحبوا.... ياه انت متجوز الولية التخينة دي ليه؟؟ قالوا والله اني رحت طلبت ايديها بس... ادهالي كلها

اتنين مساطيل مشيين جنب خزان ماء كبير واحد وقع في الخزان التاني راح يستناه عند الحنفيه

مرة واحد قتل ابوة وأمة وخالة وبعدين قطع رجلة . فسألوة لية ؟ قال عشان رجلى ما تجيش في القضية.

مرة واحد خطف طيارة وقال للحكومة لو طلباتى م اتنفزتش فى ظرف 5 دقائق ... حموت نفسى

واحد مبسوط شوية بيكلم نفسه .. أنا مش عارف مواعد واحدة الساعة اثنين ولا مواعد اثنين الساعة واحد

مره واحد عازم ناس اصحابه و قدم لهم مانجه فالناس قالوا له مش عيب تجيب لنا مانجه بايته ،، قالهم يعنى هي بايته عند حد غريب

مرة واحد كسلان بيقول لصاحبه الكسلان :-لقيت شغل ؟ فقال صديقه هتشتغل فين ؟ قال له هشتغل في المطبعة قال له وهتعمل إيه في المطبعة فقال له سوف أقعد على الورق عشان ميطيرش

جماعة بينضفوا الحيطة بالمية... الكهرباء مسكت في واحد منهم قعدوا يشدوه و يضربوه عشان يبعد عن الحيطة.. وفي الاخر ودوه المستشفى وكانت نتيجة تقرير الطب الشرعى: سبب الوفاة.. ضرب أقضى الى موووووووت

واحد راح لدكتور عيون علشان يعمله عملية .بعد ما فكله الرباط قال للدكتور مش شايف يا دكتور,الدكتورقاله دول كام قله مش شايف,قله طب دول كام قله مش شايف مش شايف, راح الدكتور مسك ودنة و قله طب دى أية قله دي ودنى الدكتور قله يااخى خضيتنى عليك.

فيل ونمله ماشين على البحر... فجأه الفيل رمى نفسه فى البحر ليه ؟؟؟؟؟؟؟....... أخو النمله جاى وراهم

مرة طرزان كان راجع للبيت فشاف امه بتعمل ورق عنب فقال لها : ليه يا ماما بتلعبي فى الشورت بتاعى

ناظر مدرسة هيتجوز ، بدل كروت الدعوة ......... وزع على المعازيم أرقام جلوس

فار شاف اسد ميت ، فسحبه من ذيله واخذه الغابه ، لما شافوه الحيوانات قعده يحيوه ويهتفوه باسم الفار 00قام الفار رفس الاسد وهو بيقول .......انا لما اتعصب ما برحمش

مرة اثنين عندهم كلاب صيد صاحب الكلب الاول أول ما يضرب طلقة من الندقية ، يجرى الكلب ويروح يجيب الفريسة.... والثانى أول ما يضرب الطلقة كلبه يكّش.... فنصحة صاحبة انه يروح الافراح فى الارياف ، فالكلب هيتعود على صوت الرصاص... راح الارياف وفضل يحضر فى افراح لمدة 6 شهور...... وبعدين رجع يصطاد ، راح ضارب طلقة من البندقية... راح الكلب وقف على رجله وقعد يزغرط

واحد نفسه يطلع القمر .. فراح لجماعة خدوا منه فلوس وبعتوه حته فى الصحراء... فهناك قابل واحد مدروخ وبيقول له:انا حران من الشمس. فالتانى قال له : وانا فادى من الأرض

عجوزتان تريدان الزواج قاما بعمل اعلان ؟؟ تزوج واحدة واحصل على الاخرى مجانا

كبابجى يوم جوازه فرش سريره بقدونس

واحد أخذ فيلم و طلع من فوق الدور العاشر و رماه لكنه ما تكسر ليه ؟ عشان فيلم هندي