بين السطور.............

بين السطور
هناك ناس عايشة
بين السطور
أوقات أوجاعهم ودموعهم
عدد مش محصور
بنوا بينهم وبين الناس
ملايين الجسور
لموا أوراقهم ورحلوا
عشان يملوا الفراغ اللي بين السطور

بين السطور
هتلاقي ناس مجروحين
كل يوم بيحسوا بالأنين
في عيونهم أكبر معنى للحنين

بين السطور
ناس مشاعر غيرهم حسوها
قلوبهم بالخير ليهم ملوها
جراحهم عشانهم إستحملوها
وأتاريهم بالنسبة لغيرهم مجرد لعبة بيلعبوها

بين السطور
عالم الناس فيها مجرد وشوش
الاّسيين جرحوا فيهم زي الوحوش
والدنيا بأسوتها خلتهم مجرد رتوش

بين السطور
إنسان حاول يعيش على السطر
حلم إنه عايش فرحان جوه القصر
بس محصلش يكون نقطه في اّخر السطر

بين السطور
قصص وروايات
دموع وحكايات
أحزان وذكريات
كلها لناس لمت أوراقها
وراحت تملى الفراغ اللي بين السطور.................

ملاحظة"لم أعني بتلك الكلمات أن مكان هؤلاء الناس بين السطور لأن أمثالهم يجب ان ترفع لهم القبعه ويجب أن يحيوا في أول السطر ولكن تواجدهم فوق السطور بين ذلك العالم الذي لا يعرف للإنسانية معنى جعلهم يغادرونه تاركين من هم فيه يحيون ويرتكبوا ما يريدون ...........ولكي يحافظوا على إنسانيتهم غادروا ليحيوا بين السطور"


--------------------------------------------------------------------------------

العفو مشكوره لمرورك الكريم يا اسلام