تعالوا نحضر لرمضان

من طرف **مهجه** 5/9/2007, 8:39 pm

بما ان رمضان قرب .........كل سنة وكلكم طيبين ......ماتيجوا نحضر اكلات للافطار وكلنا نشارك سوا بحلويات او عصير او طيور ولحوم بطرق سهلة وطعم لذيذ وهنبتدى النهاردة مع اكلة.....لالالا 3 اكلات من الفراخ (فراخ مشوية - بفتيك الفراخ - اجنحة بانيه).

استعملى العدد الذى يناسب افراد اسرتك من الفراخ البيضاء يزيد وزن الواحدة عن 2كيلو جرام
قومى بتنظيف الفراخ وغسلها بطريقتك المعتادة بالليمون او الملح او الخل حسب ما تفضلين

الفراخ المشوية

المكونات

عدد 3بصلة متوسطة مفرومة ناعم جدا مع 3فصوص حبهان

لوعدد افراد الاسرة اربعة استعملى 2فرخة

قومى بفصل الاوراك عن الصدر اى الفرخة نصفان

قومى بفصل النصف من الاوراك الى ربعان وهكذا فى الفرخة الاخرى قومى بعمل قطع

طولى صغير عند مفصل الدبوسة حتى لا تستوى وهى مفتوحة

يكون لديك الان اربع ارباع من الاوراك

قومى بتتبيل البصل ببهارات اللحمة +بهارات الفراخ +الملح والفلفل

قومى بوضع البصل المفروم فى الكبة ناعم بين راحتى يدك واضغطى حتى تحصلى على البصل

وحدة وماء البصل وحدة او ضعيها فى مصفاة ناعمة خصصيها لذالك وقومى بالضغط علية

لفصل البصل عن مائه احتفظى بماء البصل

تبلى الاوراك بالبصل واتركيها لليوم التالى فى الثلاجة

عند استعمالها صعيها فى صنية فى الفرن حتى تنضج وقومى بتحميرها من الوجهان دون اضافة

اى دهون فهى تسوى بما تخرجة من دهون

قومى باشعال قطعه فحم على شعلة البوتاجازالعلوية

احضرى طبق صغير من الاستانلس وضعى قطعة الفحم المشتعلة بة

قومى بقدح ملعقة زيت او ملعقة سمن بلدى

ضعى الطبق بة الفحم داخل الصنية وافرغى عليها الزيت او السمن المقدوح

غطى الصنية بغطاء محكم واتركيها فترة

جملى الفراخ المشوية بالبقدونس و البطاطس الشبسى والطماطم

بفتيك الفراخ

على لوح التقطيع الزجاجى قومى بوضع صدر الفراخ والاجنحى الى اعلى

بسكين حامى افصلى الجناحان عن الصدر

كررى فى الفرخة الثانية ضعى الاجنحة جانبا

على لوح التقطيع قومى بسكين حامى بعمل قطع فى منتصف الصدر من ناحية العظم

وبمساعدة يدك والسكين اخرجى القرقوشة والعظام

يصبح لديك الصدور خالية من العظام

افصلى قطعة اللحم الملاصق للقرقوسة فى كل ربع يصبح لديك قطعتان

ثم اقطعى الصدر الى نصفان بالطول القطعة السفلى من الربع اقطعيها

القطعة العليا التى تلاصق الاجنحة شقيها نصفان بالعرض يكون الربع عمل 4قطع بفتيك

ليست رقيقة

قومى بوضع القطع فى ماء البصل واضيفى البهارات والملح المطلوب واتركية لاستعمالة فى اليوم

التالى فى الثلاجة

عند الاستعمال اخفقى بيضتين واضيفى لهما فلفل اسود

جهزى البقسماط سواء اكنتى اعددتية فى المنزل بتحميص الباقى من الخبز وطحنة

او اشتريتية جاهز اضيفى الية بهارات لحمة + بهارات فراخ

قومى بوضع البفتيك قطعة قطعة فى البيض ثم البقسماط واضغطى عليهابراحة يدك كى تستوى فى

الشكل حمريها فى زيت واخرجيها على مناديل المطبخ الورقية لتتخلصى من الزيت الزائد

جملى الطبق بعد الانتهاء من الكمية بالبقدونس والبطاطس الشيبسى

الاجنحة البانية

لديك الان الاجنحة للفرختان قومى بفصل الرقبات عن الاجنحة

وقومى بقطعها نصفين من تحت الرقبة لديك الان جنحان ورقبة لكل فرخة

اعملى قطع طولى صغير عند مفصل الجناح

قومى بغلى كمية من الماء لسلق الاجنحة مع اضافة 4فصوص حبهان وفص مستكة

وورقة لورى وبهارات وفلفل

ضعى الاجنحة فى الماء المغلى الى ان تنضج

اخرجيها فى مصفاة لتصفى من الشوربة

اخفقى بيضتين وضعى عليهم فلفل اسود

جهزى البقسماط وضعى علية بهارات اللحم وبهارات الفراخ

اغمسى الاجنحة فى البيض ثم البقسماط وحمريهم فى كمية من الزيت

عندما يحمر اخرجيها على مناديل ورقية لتمتص الزيت الزائد جمليها عند التقديم ببقدونس.

ملحوظة:الاكلات الثلاثة منقولة والفكرة ذاتها جزء منها منقول (علشان الامانة)

ومنتظرة مشاركاتكم بتعليقات واكلات

من طرف **مهجه** 5/9/2007, 8:40 pm

عودة جديدة لموضوعنا بعد ضياع الردرد اثناء الصيانة
واتمنى من جيلى ورزقاوى وهمسات وضع مشاركاتهم السابقة مرة تانية ولا انتوا عاوزين تاكلوا البطاطس والممبار والمانجو لوحدكم .......................والنهاردة انا جايبالكم عصير الدوم المشروب الرمضانى اللذيذ وممكن نشربه دافىء أو بارد

المقادير
-----
4\1 كيلو دوم مكسر
8 أكواب ماء
كوب من السكر تقريبا (مكسر)

الطريقة
-------

1-ينقع الدوم في الماء لمدة 6 ساعات أو أكثر ويقلب من وقت لأخر ولو كان الجو حار يفضل بعد ساعة وضعه في الثلاجة.

2-ثم يوضع على النار ليسخن فقط ولا نتركه يغلي لأن طعمه سيصبح مر وهذه الخطوة لمجرد التعقيم.

3-نطفي النار ونحليه بالسكر وكمية السكر متروكة لذوق ورغبة كل شخص.

4-ونتركه إلى أن يبرد ثم نصفيه بمصفاة ضيقة الثقوب - وتفل الدوم غير ضار ويمكن تناوله لأن الدوم أصلا يؤكل بمعني أن لو العصير كان غير رائق فهذا لا يعني أنه يجب تصفيته مرة أخرى.

5-ويحفظ في الثلاجةويفضل إستخدامه في أقرب وقت يعني لازم يكون طازج دائما لأنه سريع التلف.

من طرف **مهجه** 5/9/2007, 8:41 pm

صينية اللحم مع كرات البطاطس

المقادير
-------

نص كيلو لحم مفروم
بصلة مفرومة
صلصة بيتزا أو معجون طماطم
بهارات - ملح
بطاطس مسلوق (الكمية حسب الرغبة)+قليل من الحليب
بقدونس مفروم
3 أكواب حليب(للباشاميل)
3 ملاعق كبيرة دقيق
جبن موزاريلا او رومى

الطريقة
-------

نعمل اللحم المفروم بتحمير البصل ثم اضافة اللحم المفروم والبهارات مع تفتيته حتى ينضج وينشف.. يضاف الملح.
- نضيف قليلا من الصلصة الى اللحم، حتى يصبح لونه محمر.. (بس نغير لونه بدون اى سوائل فيه)
- نهرس البطاطس مع الحليب والملح والبقدونس ونشكله كرات، عددها يكفي لتغطية الصينية.

لعمل الباشاميل
----------------

الدقيق يحمر فى السمن و يصفر لونه بسيط و نضيف اللبن فيه مع التحريك المستمر ثم وضعه على النار وتحريكه حتى يصبح سميكا ثم نضع الملح
- في صينية نضع اللحم المفروم ثم نصب الباشاميل فوقه، ثم نرص البطاطس فوق الباشاميل.
- نرش الجبن ثم ندخلها في الفرن..

وده شكلها قبل ماتدخل الفرن

تعالوا نحضر لرمضان

تعالوا نحضر لرمضان

رد: تعالوا نحضر لرمضان

رد: تعالوا نحضر لرمضان