ملف النكت كلها

الأول:هل تعلم أن أبي استطاع ان يوقف طائرة في الهواء حتى أصلح عطبا بها؟! الثاني:لكن هذا غير ممكن بسبب الجاذبية الأرضية! -لكن أبي فعل ذلك قبل صدور هذا القانون!

الابن لأبيه:وجدت كرة ضائعة! -ومن أدراك أنها ضائعة؟! الابن:رأيت صاحبها يبحث عنها!

ارنب منجوز سلحفاه قلها روحي هاتى لنا اكل غابت ست شهور فراح لها قلها كل ده بتجيبي اكل قالت له هاتسكت والا ارجه

مرة اتنين أغبيه عندهم حصانين.. فكانوا عايزين يعلموهم علشان ما يتلغبطوش بينهم .. الاول قطع اذن حصانه وراح قال للتاني ، فالتاني قاله ااه يخرب بيتك انا بردك عملت كده.... فالاول راح فقع عين حصانه ، و راح قال للتاني.... فالتاني قاله ااه يخرب بيتك انا بردك عملت كده.... فالاول قاله انت هتصدعنى في دماغي... خدت انت الحصان الاسود وانا الحصان البيض

واحد مغلب مدرس الجغرافيا معاه .... عشان عايز يعرف خط الإستواء ده فودافون ولاّ موبينيل ؟؟

واحد غبى ابوه مات .... سفروه يتعالج فى الخارج

واحد مره كان بيصطاد فخلص الطعم فكتب على ورقه طعم وحطها فى السناره ورماها فى البحر بعد شويه اصطاد ورقه مكتوب عليها سمكه

اتنين محششين راحو عزى ، فسالو اهل الميت هو مات ليه ، قالوا لهم ان رصاصة جت في راسه ، قالوا كويس ماجاتش في عينه

واحد سرق كرسي من القهوة وطلع يجري ... صبى القهوة شافه اخد ديله ف سنانه و جري وراه ... قام الحرامي لمحه بيجري وراه ....... راح وقف فى نص الطريق وقعد على الكرسى .. قال للاهوجي هات لى واحد شاي

واحده راحت كشك تتكلم فى التليفون ، بقالها ساعه بتحاول تتكلم فسالت صاحب الكشك ... لما التليفون يدينى : توت توت ...يبقى ايه ده؟ رد عليها وقال يبقى فى قطر معدى من قدام التليفون

واحد غبي قعد يتكلم قدام المروحة ليه؟ عشان يتكلم عالهواء مباشرة

واحد دخل صيدلية وقال للصيدلي إديني حقنة من اللي بتاخدها مراتي.... الصيدلي قال له إسمها إيه؟ قال له مديحة

مرة واحد مسطول لبس جزمة فردة حمرا و فردة بيضا فحط رجل على رجل شافو مسطول صاحبه و قال اول مرة اشوف واحد حاطت رجله علىرجل الي جانبه

اتنين صحاب أغبية ... الاول بيسأل التانى : هو ابوك متنّك علينا كده ليه ؟ التانى : ليه بس حصل ايه ؟ الاول : من ساعة ما مات مبقاش يعدى يسلّم زى الاول

واحد اسمة شلبى كان مسافر بلاد برة ، فراح محطة القطر وطبعا هناك النظام آخر تمام ... فراح داخل فى مكنة التذاكر ، يحط ا الفلوس وتنزل له التذكرة ، فراح حط الفلوس والتذكرة نزلت له ، والمكنة راحت قايله مرحبا بالاستاذ شلبى سوف تركب قطار رقم 26 وسيصل الساعة الواحدة ، هوة سمع كدة فعجبته الحكاية ، فضل يحط فى فلوس والمكنة تعيد يحط فى فلوس والمكنة تعيد ، لحد اخر مرة حط الفلوس ، راحت المكنة قالت له الاستاذ شلبى فضل يستهبل لحد ما القطر فاتة

صرصار في وسط فريق نمل ، ليه؟؟؟؟؟؟؟؟؟؟؟؟؟؟ لاعب اجنبي

مرة واحد انجليزى و واحد فرنساوى و واحد صينى راحو يجربو صدى الصوت الانجليزى قال هاللو فرد عليه صدى الصوت و قال هالوووو الفرنساوى قال بنجور رد عليه صدى الصوت و قال بنجوووور الصينى قال شونجا كونجا هونجاهى فرد عليه صدى الصوت و قال بتقول ايييييييه

دكتور بيعمل عملية في مخ مريض وطلّع المخ وحطة في الصينية جنبه ، وشغال في الجمجمة شوية ودخلت قطة وكلت المخ.... الدكتور احتار ملقاش غير جوز الجزمة حطه في الجمجمة وقفل... وبعد كام سنة ساله واحد دكتور زميلة بيقول له اخبار مريضك بتاع الجزمة ايه ؟؟ رد علية وقال له عقبال املتك دا بقي مدير المستشفي بتاعنا

واحد اشترى طبق دش ، اكبر حجم وحطه فوق السطوح.. وعلشان خايف عليه من السرقه نزل قال للحته كلها أن فيه كلب كبير جدا فوق السطوح ، فاتنين من اهل الحته خادهم الفضول .. فواحد بيقول للتاني تقدر تطلع تشوف الكلب قاله أيوه أقدر أنا مش بخاف... فطلع الراجل وشوية نزل يجري ... صاحبه بيقوله شفت الكلب قاله لا شفت الطبق اللى بياكل فيه

مرة بقرة قابلت حمار فقالت له يا حمار .... قالها حمار حمار بس مش مجنوون

مرة كلب جاله أنهيار عصبي ليه؟؟!! كان بيعوي علي واحد أطرش

مرة 2 مساطيل واحد بيقول للتانى انا بابا هو اللى بنى الأهرامات .راح التانى قالة انت عارف البحر الميت بابا اللى قتلة

خروف سأل خروف ليه عدى عليك عيدين ومادبحتش رد عليه وقال له اصل مكتوب فى شهادة الميلاد ــــ حمار ــــ

مرة واحد سمع ان الجرائد هتغلى ........... راح اشترى منها كمية كبيرة

ليه الكتكوت مبيكدبش على الفرخه؟؟ علشان هيه الي فقساه