ملف النكت كلها

واحد غبي كل الناس بتقول له يا حمار ، فقام في مرة قال لهم بلاش كلمة حمار دي سموني حاجة تانية فسموه جحش....فراح لمراته فرحان بيقول لها مش الناس خلاص سموني جحش .. قالت له وهي غضبانة.....اتنيل م انت بكره تكبر وتبقي حمار تاني

مرة ولد شاف قطة فى الشارع قال لأخوه انا هاخد القطة دى اغسلها و اربيها.اخوه قاله لو غسلتها هتموت و سابه و مشى..... رجع بعد ساعتين لقى اخوه بيعيط وبيقوله القطه ماتت.... قاله مش قولتلك لو غسلتها هاتموت ، قاله ماماتتش و انا بغسلها ماتت و انا بعصرها

مرة اجتمعت سيدات العالم علشان يحطو حد لظلم المرأة ... وقرروا انه كل وحدة تتكلم مع جوزها بالموضوع ده.......... وبعد فترة سالوا الامركية حصل ايه معاك؟ قالت انا رحت وحكيت مع جوزى انه ما ينفعش افضل بالبيت وانت تفضل برة ، ولازم تساعدني بشغل البيت.. المهم اليوم الاول ماشفت حاجة ، اليوم التاني ما شفت حاجة برضه ... اليوم الثالث بدأ يساعدني بشغل ابيت...... وسالوا الفرنسية وانتي حصل ايه معاك؟ قالت انا رحت وحكيت مع جوزى نفس الكلام.. المهم اليوم الاول ماشفت حاجة ، اليوم التاني ما شفت حاجة ، اليوم الثالث بدأ يساعدني بشغل البيت...... وبعدين سالوا العربية؟؟؟ وانتى حصل ايه معاك قالت انا رحت وحكيت مع جوزى نفس الكلام .... المهم اليوم الاول ماشفت حاجة ، اليوم التاني ما شفت حاجة ، اليوم الثالث ....بدأت اشووف بعيني اليمين!!!!!

مرة واحد قصيرراح يشهد فى المحكمة القاضى بيقول له قول والله العظيم اقول الحق قاله والله العظيم اقول الحق راح قاله اسمك ايه قاله نخلة قاله انت هتكدب من اولها

مرة ظابط لقى تلاته شباب شربين فى الشارع مسكهم وقبل ميروحوا على القسم صعبوا علية فقلهم اللى هيقلى جملة اخر كلمة منها لأ هروحة الاول قالة : ياباشا انا شربت بانجو وخمرة ولكن ظابط كلمنى لأ الظابط قاله: يابنى جدع روح روح والتانى قاله: ياباشا انا سرقت وقتلت لكن ركبت عربية البوكس لأ الظابط قاله : شاطر يابنى روح روح التالت قاله: ياباشا لو قلت الحقيقة هتصدقنى الظابط قاله : طبعا لأ التالت قاله: طيب روح انت ياباشا

مره حشاشين كانو قاعدين في خيمه...بس مكانش معاهم حاجه يولعو بيها فبعتو واحد منهم يجبلهم ولاعه...طلع ودخل من الناحيه التانيه !!و قال يا جماعه لو سمحتو ممكن ولاعه.... قالوله اقعد..اقعد.. احنا بعتنا واحد يجيب..

مره واحد عدى على واحد صاحبه بخيل اوى...... لقاه حاطط ايده على عين الشمال وبيبص بالتانيه... بيقوله مال عينك ؟ قالوا م انا شايفك بواحده . اشغل التانيه ليه!

واحد سواق ماشى على الطريق السريع بالعربية فشاف لافتة مكتوب عليها (السرعة مراقبة بالرادار خفف 50 كيلو ) فراح مخفف .....لقى لافتة تانية عليها خفف 30 كيلو فراح مخفف ......لقى لافتة تالتة عليها خفف 10 كيلو فخفف .......اخر لافتة اللى كانت مفاجأة لما قرأها و هى بتقول مرحبا بكم فى خفف

مره واحد بيقول لواحد صاحبه: اسكت مش انا حماتى ماتت امبارح... قاله يا ساتر يا رب... ماتت ازاى الست دى؟ قاله وانا واقف معاها فى البلكونه وقعت من الدور الخامس... قاله دى موته وحشه ... قاله لأ.. ماهى ماوقعتش على الارض... قاله امال ماتت ازاى؟ قاله وقعت على سلك الكهرباء... قاله يا ساتر يارب دى موته وحشه قوى.. قاله بس الكهرباء كانت مقطوعه... قاله امال ماتت ازاى بس؟ قاله اصل السلك نطرها في حمام السباحه... قاله ماتت غرقانه... قاله لأ طبعا... ماهي اول ما نزلت فى الميه... الطشه رفعتها على منط الحمام وطلعت عندى فى البلكونه تانى... قاله امال انت بتقول ماتت ازاى؟ قاله ما انا لما ما لقيتش فايدة رحت خانقها بالإيشارب

صرصار بيجرى ورا عربية صرف صحى سالوه ليه ؟ قال المغفل .. شفط المدام

عائله من اكلة لحوم البشر . الاب و ابنه خرجوا للصيد وسابوا الام ....استخبوا في الغابه .... شويه و شافوا واحد رفيع معدي ,الابن قال لابوه يالا نصطاده الاب قاله بس يا عبيط هوه ده فيه حاجه تتاكل ...شويه وعدى واحد تخين الابن قال يالا نمسكه و ناكله الاب قاله بس يا عبيط ده كله دهن لو اكلناه نموت....شويه و عدت واحده حلوه قوي الابن قال هي دي يالا نمسكها و ناكلها ...الاب قاله بس يا عبيط يالا نمسكها ناخدها البيت و ناكل امك ....... !

ليه الشرطى اول ما بيدخل المطبخ بيضرب تعظيم سلام؟؟؟ علشان الثلاجه ماركة جنرال الكتريك

مدرس بيشرح على السبورة فى الفصل وظهره للتلاميذ فسمع صوت عالى جدا ، فقال اسكت ياواد ياحماده لـحسن اضربك ، التلاميذ قالوا له حمادة مش موجود يا استاذ ... آم الاستاذ قال لهم لما ييجى تقولوا له

ظابط شرطة بيقول للعسكرى بتاعة شوف لنا اية فى السهرة اليوم العسكرى بص فى الجرنان وقال اخترنا لك يا فندم الظابط قال له بتقول اية يا عسكرى؟؟؟ قال قصدى اخترنا لسيادتك يا فندم

واحد دخل مجمع استهلاكى وسأل عن الفراخ فساله الموظف عايز فراخ صاحيه ولاّ مدبوحه؟؟ قال مدبوحه ، قال له اطلع الدور الثانى.......طلع وسأل عن الفراخ المدبوحه فقال الموظف عايزها مقطعة ولاّ صحيحة ؟؟ فقال له مقطعه ، قال له اطلع الدور الثالث ..... وقابل موظف اخر وسأله عن الفراخ المدبوحة ومقطعه فقال له عايزها متكيسة ولاّ لأ ؟؟ قال له متكيسة فقال له اطلع الدور الرابع .....طلع الدور الرابع وقابل موظف اخر وقال له عايز فراخ مدبوحة ومقطعه ومكيسة فرد الموظف وقال له مافيش فراخ بس ايه رأيك فى النظام

مره واحد راح حديقه الحيوان ، فضل واقف قدام قفص النسر ساعه.. اتنين.. تلاته... فجه الحارس وقال له يالاّ يا استاذ حنقفل ...... رد عليه وقاله اموت واعرف بيختمه بيه الورق ازاى

مدرس انجليزى بقول لطالب 10 يعنى ايه ؟ قاله تن .... المدرس: طيب 20 يعنى ايه ؟ قاله تن تن ..... راح قاله امال 100 يعنى ايه؟ قاله: تن تن ترين تن تربن

تلاتة بيحششوا واحد قال لهم لو البوليس جه دلوقتى نعمل ايه واحد قال انا هاعمل نفسى سيجارة مرمية على الارض والتانى قال انا هاعمل نفسى سيجارة مرمية على الطفاية والتالت قال انا هاعمل نفسي سيجارة مرمية من الشباك لما جه البوليس واحد رمى نفسه على الارض والتانى رمى نفسه على الطفاية والتالت رمى نفسه من الشباك فوقع على واحد فى الشارع قال له احرقونا بقه احرقونا

مره صيدلي اتجوز صيدلانيه ...خلفوا عيل سموه تركيبه.... وبدل مايهشتكوه... رجوه

ديك و فرخه معدييمن من قدام محل شاورما ..الديك بيقولها شوفى اللى بيحصل للى مبتسمعش كلام جوزها

ولد راح لعند بياع شاورما وقال له:عندك ألف سندويش، قال له: لأ في اليوم التالي جاء الولد وقال: عندك ألف سندويش، قال له: لأ (بعدين فكر البياع وقال راح اعمل الألف) في اليوم الثالث جاء الولد وقال: عندك ألف سندويش، (فرح البائع) وقال: ايوه عندي.... قال الولد: اتحداك لو بعت نصهم

مره ولد ابوه بخيل قال لابوه انا حلمت ان انت اديتنى جنيه.... قاله ابوه : بس على الله يتمر فيك

واحد سفاح دخل شقة رجل قتل مراتة والراجل ضحك قتل ابنة والراجل لسة بيضحك قتل بنتة والرجال فاضل يضحك قتل والدة والراجل هيموت على نفسة من الضحك فالسفاح استغرب وسالة قالة انت بتضحك كدة لية وانا بقتل فى علتك فالراجل قالة وهو بيضحك اطلع من دول يا ابراهيم يا نصر

واحد مذيع راح لثابت البطل بعد ماتش الاهلي والزمالك ... قاله الماتش ده اتسجل تحب نذيع ولا لأ ؟

واحد بينسى كتيير راح للدكتور وقله مش عارف ليه يا دكتور كل ما اكلم واحد فى موضوع انسى قاله الدكتور والحالة دى عندك من امتى قاله .........حالة ايه!!!!!!