دعوه عامه لكل الناس

لو صحبك سالك انت معاك فلوس دلوقتي فى جيبك اد ايه هترد بكل بساطه وتقول كذا
( مبلغ اكيد مش كبير )
طيب لو كان عندك خزنه فى البيت و سالك فيها كام اكيد هتكون عارف ( بس طبعا مش هتقولوه )
طيب انت بتحوش فلوسك و هل يا ترى حوشت كام لغاية دلوقتى وهل اللى حوشتو ممكن ينفعك
( انا معرفش الاجابه )
طيب نفسك تكون مليونير او ملياردير
( اكيد هتتعب كتير لغاية ما توصل للي انت عايزه )
وفي الاخر ممكن تموت او فلوسك تضيع على حاجه ملهاش لزمه وساعتها هيكون تعبك ضاع على الفاضي
طيب ايه رايك فى حاجه ممكن تخليك اغنى من اى ملياردير
(صحيح هتتعب شويه بس احلفلك والله ان اللى حوشته ساعتها
مش هيضيع على الفاضي )
عارف ايه هي الحاجه ديه هى عمل الخير ديه الحاجه الوحيده اللى ممكن تخليك اغنى واحد فى الدنيا و الاخره .........عمل
الخير ابتغاء رضا الله سبحانه وتعالى
(صحيح انت مش عارف عندك حسانات اد ايه ولا الخزنه بتعتك اللى فى الاخره فيها كام بس خليك واثق ان اى حاجه
بتحطها فى خزنة الاخرة محفوظه وعمرها ما هتضيع )
الخير موجود فى كل مكان بس للى عايز يعمل خير بجد عشان يحوش (طبعا انت عارف يحوش ايه و ليه )
طيب فين الخير ده .............انت بتقول فى كل مكان
على سبيل المثال يوم التحدي 7 سبتمبر
معاقين وصم ومكفوفين
تحدوا كل من حولهم تحدوا انفسهم عشان يفرحو ويضحكو

تعالى معانا
حاول انت تاخد حسانات اكتر عشان تحوشها وكمان تملا الخزنه اللى هناك فى الاخرة
حاول انك تسعد طفل او شاب اتحرم من نعمه انت مش مقدرها
حاول انك ترسم البسمه على وشهم وكمان ترسم البسمه على وشك
تعالى عشان تقول الحمد لله على نعمة البصر و السمع و الصحه و كل النعم التي لا تعد ولا تحصى
تعالى عشان تحس اد ايه انت فى نعمه
بجد تعالى عشان تتبسط وتضحك وتلعب وبالمره تاخد حسانات هتنفعك فى يوم محدش هينفعك غيرها
يتقدم بدعوتكم 5000 من ذوى الاحتياجات الخاصة لمشاركتهم فى فرحتهم
تخيل ابتسامتك لمعاق او اصم .. تخيل سقفتك لكفيف
قد تكون سبب لدخولك الجنة
دي دعوه عامه لكل الناس عشان يزودو حساناتهم
الكلام ده مش بس عشان يوم التحدي وخلاص......... لأ انت محتاج كل يوم انك تزود الخزنه لانك مش ضامن هى فيها كام
بس خليك فاكر ان الحسانات والخير
هما الحاجه الوحيده اللى عمرك متشبع منها
لازم نزودهم طالما احنا قادرين
حاول انك تقبل كل دعوات الخير اللى بتجيلك اى مجال خير تقدر تعمله اعمله دلوقتي طالما انت قارد عشان هيجي يوم

وتكون مش قارد وتقول يا رتني كنت .................................................. ...