ملف النكت كلها

غبى أحول راسة اطبطحت .... بقى يعرج

ناموسه وقعت فى كاس وسكى طلعت تقول وسع للنسر

في عجوز بشعة شافت نفسها بالمراية فقالت : قطيعة حتى المراية غشوها

مره واحد حلق كبوريا قرصته

سواء تاكسي داخل ينام ، فمراته قفلت عليه الباب ... فقال لها افتحي الباب تاني و اقفليه

واحد مسطول كان ماشي في الشارع وقع من جيبه مسمار فزعق كده و قالوه: اطلع فمطلعش قالوه : اطلع مطلعش قام مطلع حبة مسامير من جيبه و رماهم و قالهم: هاااااااااااااتوه

توتو ونونو واقفين في الشارع شاوروا لتاكس فمشى التاكس شويه للامام ووقف ، قام توتو قال لنونو السواق ده رزل وقف في المكان اللى هنزل فيه

الشرطى لأحد الصيادين : رخصة بندقيتك قديمة ، لماذا لم تجددها هذا العام .... الصياد عفوا ايها الشرطى .. فانا اصطاد بها الطيور التى افلتت منىّ من العام الماضى

كان فيه مرة أب دخّل عياله كلهم الحمام.. ليه ؟ .................... علشان اشترى لهم شامبو العائلة

مرة حمار إتجوز بطاطساية خلفوا بطاطس محمرة

مرة حلاق و ابنة بيتفرجوا على متش كورة فقال المذيع :وشطها بمشط رجلة و جت فى المقص فقال ابن الحلاق : بابا دول بيلعبوا فى العدة

مره واحد قابل واحد في المحطة فقالوا انا عسران من فرشوط فراح التاني قالوا انا تعبان من الروماتيزم

القاضي:أين تقيم؟... المتهم:مع خالي.... القاضي:و أين يقيم خالك؟... المتهم:معي... القاضي:أنت و خالك أين تقيمان؟.... المتهم:نقيم معا.....

لية السمك بيخاف من الجنية....؟! علشان الجنية فية 100 قرش

واحد محشش وقع من الدور الرابع لما اتلمو عليه الناس بيقولو له ايه في ايه ؟؟ قال لهم ولا اعرف اصلي لسا واصل

مرة واحد شاور لتاكسي قاله :فاضي ياأسطي قال السواق : أيوة فاضي .فقاله الراجل : طب تعالي ألعب معايا دورين كوتشينة

مرة واحد متسلق جبال راح يتسلق جبل هو و المساعد بتاعه. وكان المساعد ده بيتهته فى الكلام ,وهما طالعين فى نص المسافة المساعد قال للمتسلق:ن ن ن ن ن........ فالمتسلق قاله:بس يابنى لاضحك ونوقع احنا الاثنين. ولما وصلوا فوق ، قاله عايز ايه ؟؟ قاله:ن ن ن ن ن.... نسيت الاكل تحت. قاله: يخرب بيتك . ونزلوا تانى ، وهما فى نص المسافة ,المساعد قاله:ب ب ب ,قاله :بس لاضحك ونوقع احنا الاثنين.ولما نزلوا تحت قاله :عايز ايه.قاله:ب ب ب ب بهزر معاك

كان زمان فى جورج ابيض دلوقت فى جورج اكثر بياضاً

حدّاد استحمى سلسلة ظهره صدت

واحد اخنف واقع فى بئر مايه ...فمر علية واحد وكان اخنف برضه ، قالة اطنعك ...رد قالة ايوه طنعنى.... قال بتألس علي طيب مش حطنعك

واحد سباك نفسه اتسدت غرق الشقه

مره واحد جبان اشتري عربيه شبح ... طلعتله باليل

ايه الفرق بين الزمالك والتاكسى الزمالك:بيشيل سته التاكسى:بيشيل اربعه

عملوا كبسة على جماعة حشاشين و كان فيهم ولد صغير فالظابط بيسأله: و الشمام الصغير اسمة اية ؟؟ قاله : كنتالوب يا بية

الدكتور بيلف على العيانين فشاف واحد بيخبط دماغة فى الحيط فسال الممرضة ماله ده ؟؟ قالت له ده كان بيحب واحدة لكن مجوزهاش... فدخل الدكتور العنبر التانى فشاف واحد ماسك شبشب وبيخبط على دماغه فسال الممرضة وده ماله ده؟؟ قالت له ده الى اتجوزها